I themeluar 102 vite më parë, FC Vushtrria nuk po arrin të këndellet për t’u renditur në mesin e ekipeve më të forta në Kosovë, që prej edicionit 2013/2014 kur ishte shpallur kampion i Kosovës, raporton Veriu.info.
FC Vushtrria, që dikur njihet me emrin Kosova e Vushtrrisë, sot ka zhvilluar ndeshjen e 9-të në Raiffeisen Liga e Parë-Grupi B, ku nuk arrrinte të fitonte ndaj FC KEK-u, por nxori një barazim (1:1) me vështirësi pas disavantazhit që ishte nga fillimi i ndeshjes.
Ani pse në këtë edicion klubi nuk mund të ankohet për financa, pasi që sponsor kryesor tashmë e ka biznesmenin Shaip Mikullovci, rezultate e nevojshme për t’u inkuadruar në Superligë po mungojnë.
Pas fitores në xhiron e kaluar, duke se në këtê xhiro solli ters për ekipin procesi i zgjedhjes së kryetarit të ri të klubit që ndodhi ditën e djeshme, ku ish kryetari i Bashkësisë Islame të Kosovës në Vushtrri, Shemsi Rrahimi është zgjedhur kryetar i FC Vushtrria, raporton Veriu.info.
Ndryshe, pas 9-të ndeshjeve të zhvilluara, FC Vushtrria renditet në vendin e 3-të, shtatë pikë prapa klubit Prishtina e Re që prinë në tabelë si lidere./Veriu.info
