Ish-mesfushori i Manchester United, Paul Pogba përmes një postimi në Twitter ka thënë se ndihet i privilegjuar që kishte qenë pjesë e ‘Djajve të Kuq’.
Skuadra e Manchester United para pak orësh kishte njoftuar se Paul Pogba nuk do të vazhdoj kontratën me ata dhe do të largohet si lojtar i lirë në fund të qershorit, atëherë edhe kur i përfundon kontrata.
Në një postim në Twitter ai ka publikuar një video me momentet e tij tek Manchester United, ndërsa ka shkruar: ”Ndihem i privilegjuar që kam luajtur për këtë klub. Shumë momente dhe kujtime të bukura por më e rëndësishmja një mbështetje e pakushtëzuar nga fansat. Faleminderit Manchester United.”
Destinacioni i ardhshëm i 29-vjeçarit pritet të jetë Juventus, ku me shumë gjasë pritet një rikthim i tij në Torino pasi është edhe dëshira e Massimiliano Allegrit ta ketë përsëri në radhët e veta mesfushorin.
Ai ishte transferuar në ‘Old Trafford’ në vitin 2016 për shumën e 105 milionë eurove nga Juventus, duke u bërë atë kohë edhe lojtari më i shtrenjtë ndonjëherë në botë.
Për Manchester United në të gjitha garat Pogba është paraqitur në 233 ndeshje, ku ka realizuar 39 gola dhe ka regjistruar edhe 51 asistime. /gazetametro.net
