Një aksident me fatalitet ka ndodhur sot rreth orës 17:00 në fshatin Kopiliq të Skenderajt, ku ka humbur jetën një person i moshës 70 vjeçare, transmeton Gazeta Online Veriu.info.
Lajmin e ka konfirmuar Avni Zahiti, zëdhënësi rajonal për rajonin e Mitrovicës, i cili ka thënë në aksident janë përfshirë një veturë dhe një këmbësor.
“Në aksident janë përfshirë një veturë dhe një këmbësor, ku si pasojë e lëndimeve të pësuara ka humbur jetën këmbësori i moshës rreth 70 vjeçar.
Njésitë përkatëse policore kanë dalë në vendngjarje dhe po zhvillojnë hetimet për aksidentin, ndërsa me urdhër të prokurorit trupi i pa-jetë është dërguar në Institutin e Mjekësisë Ligjore për obduksion”, ka thënë Zahiti për Veriu.info.
