Kryeministri i Kosovës, Albin Kurti, së bashku me ambasadorin Olivier Guerot, kanë shijuar djathin francez.
Kurti ka thënë se shijimi i llojeve të ndryshme të djathit ishte një mënyrë e bukur për ta nisur bashkëpunimin në vitin 2025.
“Së bashku me ambasadorin Olivier Guérot, që ishte nikoqir, dhe mysafirë të tjerë, u kredhëm në botën e vjetër të artit të kultivimit të djathit francez. Shijimi i llojeve të ndryshme të djathit ishte një mënyrë e bukur për ta nisur bashkëpunimin tonë në vitin 2025.”
“Nga Comté, tek Brie, e prej Camembert e deri tek Roquefort, pasuria e kultivimit të djathit francez është aq e pasur sa vetë fjalori francez! Charles de Gaulle njihej të ketë thënë njëherë: ‘Po si mund të sundosh një popull që ka mbi 2000 lloje të djathit?’, duke bërë batutë me pasurinë e pashtershme dhe dashurinë për djathin që e ka populli i tij,” – ka shkruar Kurti.
Ai tutje ka thënë se edhe vendi ynë është i hapur dhe ka zhvilluar kulturë të kultivimit të djathit me artizanë të ndryshëm këto vite.
“Edhe Kosova është e hapur dhe ka zhvilluar kulturë të kultivimit të djathit me artizanë të ndryshëm këto vite, një interesim i cili po rritet dhe është në të mirë të zhvillimit dhe bashkëpunimit ndërmjet dy vendeve dhe popujve tanë,” – ka përfunduar Kurti.
