Komuna e Obiliqit ka shpërblyer më kontratë prej 9,156.30 euro biznesin D.P.H. “In – Goj” për tenderin e shpallur me titull “Shërbimet e byfes për Komunën e Obiliqit.
Sipas të dhënave në Agjencinë e Regjistrimit të Bizneseve, shihet se D.P.H. “In – Goj” mbanë emrin ligjor “Kushtrim Sallova B.I.”, përderisa vetëm emrin tregtar e ka D.P.H. “In – Goj”.
Demokracia.com ka gjetur se Kushtrim Sallova është një militantë i flaktë i kryetarit Xhafer Gashi, dhe LDK-së ku në profilin e tij në Facebook ka shumë postime të shpërndara të kryetarit të Obiliqit.
Jarania mes kryetarit të komunës dhe pronarit të biznesit të shpërblyer me kontratë shihet edhe në një postim të këtij të fundit, kur më 2019 kryetari Xhafer Gashi e kishte surprizuar me torte për ditëlindje Kushtrim Sallovën.
Edhe në vitin e kaluar personi i njëjtë e kishte fituar tenderin më afat për një vit nga Komuna e Xhafer Gashit, i cili në këto zgjedhje është kandidat për deputet.
Por, në këto zgjedhje, Sallova ka vendosur të mos bëjë shumë tifo për Xhaferin, ai po shpërndanë propaganda për kryetarin e LDK-së, Lumir Abdixhiku. /Demokracia.com/
