Presidentja e Komisionit Europian Ursula von der Leyen ka folur në konferencën e Ambasadorëve të BE-së sot dhe nuk mund t’i shpëtonte çështjes së kërcënimeve të Donald Trump kundër bllokut.
Duke e quajtur marrëdhënien “gurthemeli i paqes dhe prosperitetit” dhe duke theksuar se “asnjë ekonomi tjetër në botë nuk është aq e integruar, në një mënyrë kaq të përparuar”, që përbën pothuajse 30% të tregtisë globale, ajo tha se fokusi i saj ishte që ta bënte të funksionojë.
Por meqenëse kjo mund të mos jetë aq e lehtë nën Trump, ajo duket se ka një plan, shkruan The Guardian, transmeton Gazeta Express.
“Pra, prioriteti ynë i parë tani është të punojmë në shumë fusha ku interesat tona bashkohen. Dhe ka ende hapësirë për të bërë shumë më tepër – nga zinxhirët kritikë të furnizimit te teknologjitë në zhvillim”.
“Ne do të jemi të gatshëm për negociata të vështira aty ku është e nevojshme dhe për të gjetur zgjidhje aty ku është e mundur, për të zgjidhur çdo ankesë dhe për të vendosur themelet për një partneritet më të fortë”.
Megjithatë, në një koment mjaft të fortë në fund, ajo pohoi se do të ketë kufij për qasjen “e hapur dhe pragmatike” të BE-së.
“Ne do ta bëjmë të qartë se ne gjithmonë do të mbrojmë interesat tona – sido që të jetë e nevojshme dhe kurdo që kjo të jetë e nevojshme. Kjo do të jetë gjithmonë mënyra europiane”.
