Administrata amerikane e Presidentit Donald Trump dërgon një sinjal të fortë për mbylljen e Agjencisë për Zhvillimin Ndërkombëtar.
Në uebsajtin e internetit të USAID është shfaqur një njoftim për pezullimin nga puna të 10 mijë punonjësve duke nisur nga e premtja.
Në deklaratë, USAID thekson se i gjithë “personeli me angazhim të drejtpërdrejtë” do të pezullohet, përveç atyre me “funksione kritike për misionin, udhëheqjen thelbësore dhe programet e përcaktuara posaçërisht”.
Ky veprim është i fundit në një varg shkurtimesh që Presidenti Donald Trump ka bërë në programet e financuara nga qeveria, që nga kthimi në detyrë muajin e kaluar.
Shumë kanë argumentuar se zgjedhja për ta mbyllur atë mund të ketë një ndikim të thellë në programet humanitare në mbarë botën./Indeksonline/
