Kandidati për kryeministër nga AAK, Ramush Haradinaj, ka mbajtur tubim në Lubizhdë të Hasit ku vlerësuar lartë kontributin e tyre në ditët e luftës çlirimtare, raporton Gazeta Online Veriuinfo.
“Hasjanët i sigurova se do të trefishojmë subvencionet për bujqësi. Rinisë do i ofrojmë grante pa kthim për bizneset e reja dhe bursa për secilin që dëshiron të studiojë.” – shkruan Haradinaj.
Postimi i plotë:
HASI HEROIK ME KOSOVËN FITUESE 137!
Sonte në Lubizhdë të Hasit, në mesin e hasjanëve, me të cilët ishim bashkë që nga ditët e para të Luftës Çlirimtare.
Bujaria, trimëria dhe dashuria e tyre për atdheun është e pakrahasueshme. Kjo tokë ka dhënë heronj në çdo kohë dhe sot po jep shembullin më të mirë të bashkimit për Kosovën ku fitojnë të gjithë.
Hasjanët i sigurova se do të trefishojmë subvencionet për bujqësi.
Rinisë do i ofrojmë grante pa kthim për bizneset e reja dhe bursa për secilin që dëshiron të studiojë.
Paga mesatare mbi 1000 euro dhe pensione jo më pak se 500 euro. Energjinë do ta bëjmë 20% më të lirë. Do të mbështesim financiarisht çdo punëkërkues deri në punësim.
Veteranët do të marrin pensionet pa pasur nevojë të shkëputen nga marrëdhënia e punës.
Faleminderit për mbështetjen e jashtëzakonshme për Kosovën direkt në NATO. Qeverisja jonë do të rikonfirmojë dhe forcojë aleancën me Amerikën. Kosova fiton e rritet me miq.
Për Kosovën Fituese 1️⃣3️⃣7️⃣
