Ish-mbrojtësi i Barcelonës, Jérémy Mathieu, ka lënë tifozët të habitur pasi është zbuluar se çfarë pune bën vetëm pesë vjet pas pensionimit nga futbolli.
Mathieu, 41 vjeç, ishte një mbrojtës me një karrierë të bujshme, duke luajtur për klube si Valencia, Barcelona dhe Sporting CP, ndërsa ka regjistruar edhe pesë paraqitje me kombëtaren e Francës.
Koha e tij te Barcelona ishte padyshim kulmi i karrierës, ku ai ishte pjesë e një skuadre të jashtëzakonshme me Messin, Neymarin dhe Suarezin, duke fituar dy tituj në La Liga, dy Kupa të Mbretit dhe një Champions League.
Ishte e natyrshme të mendohej se pas një karriere gati 20-vjeçare, ai nuk do të kishte nevojë të punonte më. Por realiteti është krejt ndryshe.
Në vend që të ndiqte rrugën e trajningut apo të bëhej analist sportiv, siç bëjnë shumë ish-futbollistë, Mathieu ka zgjedhur një rrugë më pak glamuroze – ai tani punon si menaxher në dyqanin sportiv “Intersport” në Francë.
Sipas L’Équipe, ai menaxhon një sektor të dyqanit pranë Marseille, megjithatë, së shpejti pritet të marrë licencën për trajner.
Fotografia e tij në punë është bërë virale në rrjetet sociale, duke sjellë reagime të shumta nga tifozët:
“Ai po jeton një jetë të qetë dhe nuk i ka humbur të gjitha paratë në alkool… Le të jetë në paqe.”
“Jérémy Mathieu pas futbollit është një kujtesë e thjeshtësisë! Respekt për të që po e mban jetën reale dhe po punon ndershmërisht në Intersport.”
“Mathieu ishte një mbrojtës i fortë, është interesante ta shohësh tani duke punuar në shitje.”
“Vëllai kaloi nga fitimi i tripletës me Messin, Neymarin, Iniestën, Xavin dhe Suarezin, në një punë 9 me 5.”
Raportet sugjerojnë se dyqani ku ai punon ka marrë shumë telefonata nga tifozët kur lajmi u përhap, megjithëse ende nuk është konfirmuar zyrtarisht nëse personi në fotografi është me të vërtetë Mathieu.
Gjatë kohës së tij te Barcelona, ai kishte një pagë prej rreth 100,000£ në javë, sipas Capology. /GazetaExpress/
