Trajneri gjerman i Barcelonës, Hansi Flick, ka bërë të ditur listën e futbollistëve të cilët i ka të gatshëm për ndeshjen e parë gjysmëfinale ndaj Interit, që do të zhvillohet sot me fillim nga ora 21:00.
Barcelona do të luaj në shtëpi dhe do të mundohet me çdo kusht që të arrijë një rezultat pozitiv, për të qenë më e “relaksuar” për ndeshjen e kthimit që zhvillohet javën e ardhshme në Milano.
Flick ka bërë të ditur emrat e futbollistëve që i ka të gatshëm për ndeshjen e sotme. Në mesin e mungesave janë sulmuesi Robert Lewandowski dhe portieri Marc-Andre Ter Stegen. Përpos tyre, për katalunasit do të mungojë edhe Alejandro Balde.
11-shja startuese e Barcelonës pritet të jetë e njëjtë sikurse ajo kundër Real Madridit në fundjavë.
Szczesny do të jetë në portë, katërshja mbrojtëse do të formohet nga Gerard Martín, Íñigo, Cubrasí dhe Kounde, ndërsa në vijën e parë të mesfushës do të jenë De Jong dhe Pedri. Olmo do të zërë pozicionin e mesfushës qendrore dhe do të lidhet me treshen sulmuese: Raphinha, Lamine dhe Ferran, të cilët do të zëvendësojnë Lewandowskin.
Marc Casadó dhe Marc Bernal janë gjithashtu ende në bankën e të lënduarve, duke u rikuperuar nga dëmtimet e ligamenteve. Trajneri i Blaugranëve shpreson që Balde dhe Lewandowski të jenë të gatshëm për të luajtur në ndeshjen e kthimit të Ligës së Kampionëve, dhe në fakt, mbrojtësi i majtë ndoshta mund të luajë disa minuta kundër Real Valladolid këtë të shtunë në LaLiga.
