Pas një sezoni të suksesshëm me Pogradecin, sulmuesi kosovar Festim Alidema, i cili luan në çdo pozicion të sulmit dhe me të dy këmbët, ka tërhequr vëmendjen e disa prej klubeve më të mëdha në Shqipëri dhe Kosovë.
Ai u shpall lojtari më i mirë i ekipit dhe ishte një nga më të mirët e ligës për sezonin 2024/25, ndërsa interesimi për të është konkret.
Tirana është një nga klubet që ka shprehur interes serioz, ndërsa emri i tij përmendet edhe në bisedimet e disa skuadrave të tjera të Superiores dhe Superligës së Kosovës.
Burime pranë lojtarit bëjnë të ditur se Alidema është shumë pranë një transferimi në një klub me objektiva të qarta për titull dhe garat ndërkombëtare në sezonin e ardhshëm – megjithëse ende nuk ka një njoftim zyrtar.
Alidema, 27 vjeç, ka përvojë të pasur me Dritën, Llapin dhe Slaven Belupo në elitën kroate. Me shpejtësi, teknikë dhe përvojë, ai është rikthyer në formë të lartë dhe duket gati për një hap tjetër në karrierë.
