Rastet kur sektori privat i shëndetësisë në Kosovë ushtron veprimtari mjekësore jashtëligjshëm, fatkeqësisht janë jo të rralla.
Një rast i tillë ka ndodhur dje në Spitalin Amerikan 2 ku gjatë inspektimit nga Inspektorati Shëndetësor janë gjetur 3 mjekë duke punuar pa licencë, raporton Gazeta Online Veriu.info.
Një rast i tillë është konfirmuar për Veriu.info nga Ministria e Shëndetësisë, e cila në përgjigjet e pyetjeve të gazetës ka konfirmuar se gjatë inspektimit në Spitalin Amerikan 2 janë hasur tre mjekë të huaj që ushtronin veprimtari pa licencë pune.
“Inspektorati Shëndetësor më datë 27 maj 2025 ka realizuar një inspektim në Spitalin Amerikan 2, ku gjatë kontrollit janë hasur tre mjekë të huaj që ushtronin veprimtarinë shëndetësore pa licencë pune.” – thuhet në përgjigjen e MSH për Veriu.info.
Mjekëve u është ndaluar ushtrimi i veprimtarisë shëndetësore deri në përfundimin e procesit të licencimit të tyre.
