Presidenti Donald Trump deklaroi se, deri pasditen e sotme, nuk ka marrë ende një vendim përfundimtar mbi përfshirjen e mundshme të SHBA-së në konfliktin mes Izraelit dhe Iranit, duke shtuar se së shpejti do të mblidhet me ekipin e tij në Sallën e Situatave bashkë me zyrtarët më të lartë për të diskutuar opsionet.
“Kam disa ide për çfarë të bëj, por ende nuk kam marrë një vendim përfundimtar — më pëlqen ta marr vendimin final një sekondë para se të vijë momenti, e di, sepse gjërat ndryshojnë. Dua të them, sidomos me luftën, gjërat ndryshojnë me luftën. Mund të shkojë nga një ekstrem në tjetrin,” tha ai për Kaitlan Collins të CNN në Zyrën Ovale.
Trump tregoi disa nga mendimet e tij ndërsa po i afrohet idesë së përdorimit të mundshëm të forcave ushtarake amerikane për të goditur objektet bërthamore iraniane.
“Filloi natën e parë,” tha ai, duke iu referuar bombardimeve të Izraelit mbi objektet bërthamore dhe zyrtarët ushtarakë në Iran, që filluan javën e kaluar.
