Elon Musk ka njoftuar krijimin e një partie të re politike me emrin “Partia Amerikane”, pas një sondazhi që zhvilloi në rrjetin social X, ku pyeti ndjekësit nëse duan një parti të re politike në SHBA, shkruan Gazeta Sinjali.
Në mesazhin e tij të publikuar të premten, Musk theksoi se “Dita e Pavarësisë është koha e përshtatshme për të kërkuar pavarësi nga sistemi dypartiak” dhe se me rezultat 2 me 1, ndjekësit e tij mbështetën krijimin e partisë së re.
Ai kritikoi sistemin aktual si një “sistem njëpartiak” të dominuar nga shpërdorimi dhe ryshfeti, duke premtuar që Partia Amerikane do të rikthejë lirinë për qytetarët amerikanë.
