Blaise Matuidi, një ish-lojtar i kombëtares franceze që e përfundoi karrierën e tij në vitin 2022, kujtoi kohën e tij te Juventusi , ku ndante dhomën e zhveshjes me Cristiano Ronaldon.
“Cristiano ishte një profesionist mbresëlënës, i fiksuar pas punës. Një natë, u kthyem në orën dy të mëngjesit pas një ndeshjeje të Serie A për të marrë makinat… Ishim të rraskapitur, por ai shkoi te Benatia dhe e bindi të bashkohej me të në palestër për një stërvitje rikuperimi. Mendova se ishte i çmendur [qesh] . Ronaldo ishte i tillë: ai nuk ndalej kurrë. Ky është sekreti i suksesit të tij dhe pse ai ende mund të bëjë diferencën sot”, tha ai në një intervistë me Tuttosport .
“Përfundova duke qenë truproja i Ronaldos në fushë, sepse puna ime ishte të zija hapësirat e lira në korsinë e tij. U bëmë miq. Ai është një profesionist i jashtëzakonshëm dhe i fiksuar pas punës së tij”, shtoi ai, duke lënë një fjalë për shokët e tij të ekipit.
“I çmoj shumë ato vite të paharrueshme. Kishim një grup të shkëlqyer dhe ishte kënaqësi të punonim së bashku. Tani, nëse doni t’ju them se kush ishte më i çmenduri… do të thoja Pinsoglio . Ai qeshte gjithmonë dhe ishte gati të bënte gjëra të çmendura. Sa herë që më shihte, këndonte një këngë në frëngjisht. Pastaj ishte Gigi [Buffon] … Një nga portierët më të mirë në historinë e futbollit. Ajo që më pëlqente më shumë tek ai ishte thjeshtësia e tij”, tha ai.
