Dr. Nerxhivane Kadriu-Halimi është një emër i njohur në fushën e mjekësisë emergjente, e cila ka kaluar mbi 40 vite në shërbim të pacientëve, sot ndodhet përballë një sfide të madhe shëndetësore dhe jetësore.
Dr. Nerxhivane është diagnostikuar me aneurizma të shumëfishta në aortë, një gjendje tepër e rrezikshme që kërkon ndërhyrje kirurgjikale të ndërlikuar dhe të menjëhershme.
Për fat të keq, ky operacion nuk mund të realizohet në Kosovë. Pas konsultimeve me mjekë specialistë dhe kërkimeve të shumta, është gjetur një mundësi trajtimi në një spital të specializuar në Ghent, Belgjikë, transmeton Gazeta Shneta.
Kostoja e operacionit dhe qëndrimit në spital kap shifrën mbi 66,000 euro, një shumë që tejkalon mundësitë e familjes së saj.
Familja dhe të afërmit i bëjnë thirrje publikut, të kontribuojnë për të ndihmuar në shërimin e saj. Çdo ndihmë, sado e vogël, ka rëndësi.
Për të dhuruar donacion klikoni KETU
