Xherdan Shaqiri ka folur për vendimin e Leon Avdullahut për të përfaqësuar Kosovën në vend të Zvicrës.
Shaqa ka thënë se e ka diskutuar shpesh me Avdullahun mundësinë se cilën kombëtare ta përfaqësojë.
Xherdan Shaqiri e kishte pëlqyer postimin ku zyrtarizohej ylli i Hoffenheimit si Dardan.
“Kemi folur shpesh për këtë”, ka thënë Shaqiri për gazetën Blick të martën, ndonëse nuk mendon se ka ndikuar drejtpërdrejt në vendimin e tij.
“Mendoj se te Kosova ai ka më shumë mundësi për të luajtur. Me siguri i janë paraqitur perspektiva më të mira sportive, përndryshe nuk do ta kishte bërë këtë hap”.
