Sekretari i përgjithshëm i NATO-s, Mark Rutte, në Samitin e Mbrojtjes IISS në Pragë, tha si se ai dëshiron të flasë për nevojën për të rritur aftësitë ushtarake europiane për ta mbajtur kontinentin të sigurt.
Ai thotë se Europa duhet t’i përgjigjet “investimeve të mëdha të Rusisë dhe Kinës për të ndërtuar dhe modernizuar ushtritë e tyre” me “një ritëm të jashtëzakonshëm, mund të them, marramendës”.
Ai thotë se këto pajisje po përdoren kundër Ukrainës dhe, ndërsa aleanca “po punon për t’i dhënë fund këtij agresioni sa më shpejt të jetë e mundur”, Europa nuk duhet të jetë naive për të ardhmen, shkruan The Guardian, transmeton Gazeta Express.
“Ky trend nuk do të ndryshojë ose të përmbyset së shpejti. Rusia është dhe në të ardhmen e parashikueshme do të mbetet një forcë destabilizuese dhe konfrontuese në Europë dhe në botë”, thotë ai.
