Avokati, Arianit Koci ka reaguar përsëri për çështjen e pagave të deputetëve duke theksuar se edhe pse nuk janë duke punuar po paguhen.
Tutje, ai ka bërë thirrje që që të paktën një pjesë të rrogës ta dhurojnë për njerëzit në nevojë
Postimi i plotë:
Nuk është në rregull! Qe sa muaj pa punu, deputetët po marrin rroga.
Turp! Turp! Turp!
Po e hanë djersën e popullit më të varfër në Evropë. Popullit që mezi mbijeton, i merret taksa për t’ua mbushur xhepat atyre që nuk po punojnë asgjë.
———
I ftoj deputetët – që të paktën një pjesë të rrogës – ta dhurojnë për njerëzit në nevojë. Është minimumi moral që mund ta bëjnë.
Deputetë, mos e hani djersën e popullit më të varfër në Evropë!
E ju qytetarë, mos heshtni! Kërkoni llogari. Se nëse heshtim sot, nesër do të jetë edhe më keq.
P.S.
Sado që dikujt i duket që nuk po ka efekt protesta e ime – ka! Shumë bile.
Besoni!
E përsëritja e vazhdueshme e kërkesa të mija, konsistenca, është mënyra e vetme e veprimit, me politikanë të pandërgjegjshëm, që e këqyrin veç interesin e vet!
