Ekipi nga Mitrovica është nisur sot në mëngjes për në Samokov të Bullgarisë, ku do të marrë pjesë për herë të dytë radhazi në Basketball Champions League.
Sezonin e kaluar skuadra arriti deri në gjysmëfinale dhe është e vetëdijshme për vështirësitë e kësaj gare. Këtë vit, ekipi shkon me më shumë përvojë, me përgatitje të shtuar dhe me bindjen se mund të bëjë një paraqitje dinjitoze.
Skuadra thekson se në Samokov do të ndihet sikur në Mitrovicë, pasi prania dhe energjia e tifozëve të saj do të jenë aty për ta mbajtur gjallë në çdo moment.
