Drejtori i Institutit KIPRED, Lulzim Peci, ka vlerësuar se vendimi i sotëm për zgjedhjen e Renad Rashiqit nënkryetar të Kuvendit nuk ka qenë në përputhje me Kushtetutën e Kosovës.
Ai ka bërë me dije se ky vend mund t`i sjell pasoja Kosovës.
Në profilin e tij në “Facebook”, Peci ka shkruar se sot serbëve ju mohua një e drejt kushtetuese.
“Vendimi i sotshem per zgjedhjen e nenkryetarit te Kuvendit nga komuniteti serb, do te kete pasoja per Kosoven. Sot, nje nga te drejtat kushtetuese te perfaqesimit se shumices se komunitetit serb, gjegjesisht ajo e perfaqesimit ne Kryesine e Kuvendit ju mohua me te dyja kembet, pavaresisht se cfare mund te mendojme per Listen Serbe, derisa ajo eshte legale dhe legjitime. Mos te harrojme se kjo e drejte nuk ju mohua shumices shqiptare, dhe per ata qe duhet me ju vizatuar, per kete arsye AAK nuk ka perfaqesues ne Kryesine e Kuvendit”, ka shkruar ai.
Ai e ka shpjeguar në detaje se çka do të thotë ky vendim.
“A mund ta mendoni situaten sikur kjo e drejte e perfaqesimit t’i mohohej permes votave VV-se dhe t’i jepet AAK-se. Ekuivalenti eshte i njejte, me votimin e sotshem per Rashiqin! Nese ky vendim nuk dergohet ne Gjykaten Kushtetuese nga LS, do te krijohet nje precedent, i cili do te implikime te thella ne demontimin tanime te filluar te demokracise parlamentare, dhe me kete edhe lekundjen e themeleve te shtetit te Kosoves! Logjika politike qe per “inati te rese (LS), le te me vdes djali (shteti) po e dergon vendin tone ne nje rruge ne te cilen jemi duke shkuar me vetedije! E kjo rruge nuk eshte e hajrit per cdo qytetar qe e konsideron veten patriot te Republikes se Kosoves!”, ka shkruar Peci.
