Nënkryetari i AAK-së, Ardian Gjini, tha se Albin Kurti i ka humbur Kosovës një vit të tërë, ekskluzivisht për interesa të tij politike.
Sipas tij, ftesat e Kurtit për koalicione me LDK-në e Nismën nuk kanë qenë serioze, por kanë pasur qëllim pamundësimin e një qeverie të formuar nga partitë tjera parlamentare.
Ai tha se gjasat janë minimale që të ketë Qeveri Kurti 3, prandaj tha se në pranverë priten ndryshime të mëdha politike në vend.
“Kurti i ka përdorur të gjitha mjetet e pushtetit për t’i arritur qëllimet e veta, dhe që askush të mos arrijë të bëjë qeveri, e ka prolonguar çdo afat të mundshëm që vendi të mos shkojë në zgjedhje. Gjasat janë minimale që Kurti do të jetë edhe njëherë kryeministër i Kosovës, unë nuk besoj që qytetarët e Kosovës janë totalisht analfabetë funksional siç Kurti beson, po e shohim në cikle të ndryshme që elektorati i Kosovës di me vendosë, prandaj mendoj se do të ketë ndryshime të mëdha”, tha Gjini në “Rubikon”./Indeksonline/
