Presidentja Vjosa Osmani ka uruar Presidentin e Shqipërisë, Bajram Begajn dhe Kryeministrin Edi Rama për hapjen e pesë kapitujve të fundit të negociatave me Bashkimin Evropian.
Osmani e ka cilësuar këtë si një hap historik që ka thënë se dëshmon angazhimin e jashtëzakonshëm të Shqipërisë drejt integrimit evropian, shkruan Reporteri.net.
“Ky është një hap që i sjell qytetarët e Shqipërisë, si dhe rajonin tonë, edhe më pranë Bashkimit Evropian. Qytetarët e Kosovës festojnë sot bashkë me ju, teksa vazhdojmë të punojmë pandalur për ta avancuar edhe më tej rrugën e vendit tonë drejt BE-së. 🇽🇰 🇦🇱 🇪🇺”, ka shkruar Osmani, në llogarinë e saj në platformën “x”./Reporteri.net
