Kylian Mbappe dhe ish-klubi i tij, PSG po zhvillojnë një betejë ligjore.
Kjo për shkak se Mbappé pretendon se PSG-ja i ka borxh rreth 55 milionë euro, në paga të pa paguara dhe bonuse, ndërsa klubi këmbëngul se ai pranoi verbalisht t’i dorëzonte kur u largua.
Avokatët e tij morën një sekuestrim të përkohshëm prej 55 milionë eurosh nga llogaritë e PSG-së dhe Mbappé ka paraqitur ankesa të shumta ligjore për dëmin financiar dhe reputacional.
Grindja filloi në korrik 2023 pasi Mbappé refuzoi të nënshkruante një zgjatje kontrate. PSG-ja pretendoi se kjo ishte një shkelje e një marrëveshjeje të mëvonshme ku lojtari dyshohet se pranoi të hiqte dorë nga disa pagesa në fund të kontratës për të mbrojtur stabilitetin financiar të klubit.
Tribunali ligjor shqyrtoi argumentet të hënën dhe të dyja palët tani presin vendimin. Gjykatësi njoftoi se vendimi përfundimtar do të jepet më 16 dhjetor./IndeksOnline/
