FIFA të premten ka mbajtur ceremoninë e hedhjes së shortit të përballjeve për Botërorin 2026, që do të mbahet në ShBA, Kanada dhe Meksikë.
Kosova ka edhe dy hapa të rëndësishëm për t’i kaluar për ta arritur pjesëmarrjen historike.
Dardanët duhet të mposhtin Sllovakinë në play-off, e më pas të përballen në atë që po quhet finale e play-offit me fituesin e përballjes tjetër mes Turqisë dhe Rumanisë. Këto ndeshje zhvillohen në mars të vitit të ardhshëm.
E në rast të kualifikimit, siç raporton Klankosova.tv, Kosova do ta luajë ndeshjen e parë në Grupin D me Australinë, e cila do të luhet më 14 qershor në orën 05:00 të mëngjesit (sipas kohës lokale) në BC Place, Vankuver, Kanada. /Klankosova.tv
