Agjencia e Ushqimit dhe Veterinarisë e Republikës së Kosovës (AUV), duke iu referuar njoftimit të pranuar nga Komisioni Evropian – Sistemi i Paralajmërimit të Shpejtë për Ushqim (RASFF), ka njoftuar se gjatë kontrollit të kryer në një ngarkesë të produktit MDM pule, të importuar nga Polonia, me prodhues CEDROB S.A., Ubojnia Drobiu Ujazdówek, dhe të importuar nga kompania KAJMAK SHPK, Prizren, është konstatuar prania e bakterit Salmonella spp.
“Pas pranimit të njoftimit nga RASFF dhe me kërkesë të kompanisë KAJMAK SHPK, përmes inspektimeve të realizuara nga AUV, është vërtetuar prania e salmonelës në sasinë 2064 kilogramë mish pule. Pas konstatimit të këtij rasti, sasia e importuar është asgjësuar në përputhje me procedurat ligjore në fuqi dhe standardet e sigurisë ushqimore”, thuhet në njoftimin e AUV.
Veriu.info gjatë këtij viti ka publikuar një seri të hulutimeve, ku dëshmohet se mish me bakterin Salmonella iu ishte edhe gjetur edhe kompanive: “Meka” Sh.P.K., “Swiss Group”, “Kluna”, “Medina”.
Po ashtu Veriu.info kishte raportuar se si Agjencia e Ushqimit dhe Veterinarisë ka marrë mostra të mishit të bardh “Copacol” në kufi, depo të importuesit dhe në dy pikë shitëse (markete), për ta kontrolluar se a përmbanë bakterin “salmonela’, e cila ishte gjetur në këtë brend të mishit të bardh në Shqipëri në disa tonelata të këtij produkti ushqimor.
Një ton e gjysmë mish pule me salmonelë gjendet në kompaninë “Medina”- AUV merr vendim
