FIFA njoftoi të hënën krijimin e një ceremonie të re çmimesh, e cila do të zhvillohet çdo vit në Dubai duke filluar nga viti 2026. Njoftimi u bë nga Presidenti Gianni Infantino gjatë Samitit Botëror të Sportit.
Gala e re do të organizohet në partneritet me Këshillin e Sportit të Dubait.
Megjithatë, deklarata zyrtare nga organi qeverisës botëror i futbollit nuk sqaroi nëse ky aktivitet i ri do të zëvendësojë ceremoninë aktuale “The Best”, apo do të plotësojë çmimet ekzistuese.
“Kjo nuk do të jetë vetëm një ceremoni çmimesh, por një mënyrë inovative për të festuar futbollin dhe për të nderuar lojtarët më të mirë të vitit, si në fushë ashtu edhe jashtë saj”, tha Infantino.Në ceremoninë më të fundit, të mbajtur disa ditë më parë në Katar, FIFA i dha çmimet “The Best” francezit Ousmane Dembele dhe spanjolles Aitana Bonmati.
