Ish-luftëtari i UFC-së, Khabib Nurmagedov, është përfshirë në debat lidhur me shkarkimin e Xabi Alonsos si trajner nga Real Madrid.
Nurmagedov ka shpërndarë një ‘Insta Story’ duke e quajtur Alonson si “një nga tre trajnerët më të mirë në lojën moderne”, ndërsa kritika ka pasur për lojtarët madrilenë, shkruan Insajderi.
Reagimi i Khabib:
“Nëse hyn në palestër apo në fushë, nuk ka rëndësi nëse je luftëtar apo futbollist – trajneri kryesor është përgjegjës. Por nëse atmosfera brenda ekipit tënd nuk i lejon të gjithë të ndjekin udhëzimet e tua, atëherë definitivisht nuk je në rrugën e duhur.
Unë besoj se Alonso është ndër 3 trajnerët më të mirë në lojën moderne. Nëse një ekip nuk punon me të, duhet të ndryshosh lojtarët, jo trajnerin.
Jam i bindur se asnjë trajner nuk mund të përballojë një skuadër të tillë te Reali. Duhet të heqësh qafe lojtarët e çrregullt.”
“Nuk ka asgjë si besnikëria. 1 vit më parë e lutën, tani e pushuan nga puna për shkak të FËMIJËVE të llastuar. Xabi, ti je MË I MIRI“.
