Federata e Karates së Kosovës mbajti sot Kuvendin e Rregullt të Punës në udhëheqjen e Kryetarit Besart Baruti, i cili hapi punimet dhe falënderoi delegatët për pjesëmarrjen dhe angazhimin e tyre të vazhdueshëm.
Në këtë Kuvend pune u miratuan Raporti i Punës dhe Raporti Financiar për vitin 2025, si dhe raportet përkatëse dhe planifikimet për vitin 2026, raporton Veriu.info.
Njoftimi i Federatës së Karates:
Sot, më 31 janar 2026, Federata e Karatesë e Kosovës mbajti Kuvendin e Rregullt të Punës për vitin 2025 në Swiss Diamond Hotel në Prishtinë, me fillim nga ora 11:00.
Kuvendin e udhëhoqi Kryetari i Federatës së Karatesë së Kosovës, z. Besart Baruti, i cili hapi punimet dhe falënderoi delegatët për pjesëmarrjen dhe angazhimin e tyre të vazhdueshëm.
Të pranishëm në Kuvend ishin përfaqësues të institucioneve qendrore të sportit: z. Ismet Krasniqi – President i Komitetit Olimpik të Kosovës, znj. Afërdita Fazlija – Zëvendësdrejtoreshë e Departamentit të Sportit në Ministrinë e Kulturës, Rinisë dhe Sportit, si dhe znj. Besire Domaniku, anëtare e Bordit Ekzekutiv të KOK-ut.
Po ashtu, në Kuvend morën pjesë anëtarët e Bordit Ekzekutiv të Federatës së Karatesë së Kosovës, si dhe Kryetari i Nderit i FKK-së, z. Nezir Rama.
Punimet e Kuvendit u zhvilluan sipas rendit të ditës, ku u miratuan Raporti i Punës dhe Raporti Financiar për vitin 2025, si dhe raportet përkatëse dhe planifikimet për vitin 2026.
Federata e Karatesë e Kosovës shpreh mirënjohjen e saj ndaj institucioneve për përkrahjen e vazhdueshme, si dhe ndaj klubeve për punën e tyre të palodhur, falë së cilës FKK-ja renditet ndër federatat më të suksesshme në Kosovë.
Së bashku drejt një viti tjetër të suksesshëm.
Me respekt,
Federata e Karatesë e Kosovës
Ministria e Kulturës, Rinisë dhe Sportit Kosovo Olympic Committee
