Sensacioni adoleshent i Barcelonës, Lamine Yamal, vazhdon të shkëlqejë.
Pas ndeshjes kundër Elches në raundin e 22-të të La Ligas, anësori 18-vjeçar zyrtarisht ka barazuar numrin e golave të të madhit Diego Armando Maradona për Barcelonën.
Yamal tani ka 38 gola në garat zyrtare për gjigantët katalanas – saktësisht i njëjti numër që legjenda argjentinase shënoi për Blaugranët midis viteve 1982 dhe 1984.
Vlen të përmendet se ndeshja kundër Elche përfundoi me fitoren 3-1 për Barcelonën. Përveç Lamine, edhe Ferran Torres dhe Marcus Rashford gjetën rrjetën për vendasit. Këtë sezon, Lamine Yamal ka shënuar tashmë 13 gola. /Klankosova.tv
