Ministri i Punëve të Brendshme, Xhelal Sveçla, informon për aksionin e mbrëmshëm te policisë për të cilin Veriu.info raportoi ekskluzivisht që ka ndodhur mbrëmë në lokacione të ndryshme në Mitrovicë dhe Vushtrri. “Me objekt veprimtari të dyshimta në lidhje me veprat penale të organizimit të skemave piramidale dhe bixhozit të paligjshëm”, thotë ministri.
Në këtë aksion të arrestuar përfunduan 26 persona e me rreth 150 mijë euro të sekuestruara, informoi Sveçla.
Postimi i tij i plotë:
Në të gjithë territorin e Kosovës, me të njëjtin përcaktim: luftimin e kriminalitetit pa kompromis.
Përveç aksionit anti-drogë në Pejë, mbrëmë u zhvillua edhe një aksion tjetër i madh i Policisë së Kosovës në dhjetëra lokacione të ndryshme në Mitrovicë dhe Vushtrri, me objekt veprimtari të dyshimta në lidhje me veprat penale të organizimit të skemave piramidale dhe bixhozit të paligjshëm. Në këtë aksion të arrestuar përfunduan 26 persona e me rreth 150 mijë euro të sekuestruara.
Të përkushtuar për rend dhe ligj. Kudo.
