“Kjo e bën edhe më dëshpëruese situatën, kur qëndrimet dhe bindjet e mia politike shërbejnë si pretekst për të goditur atë, i cili për më shumë se 17 vjet ka kryer punën e tij me përkushtim në shërbim të institucionit publik.” ka deklaruar Statovci.
MË E RËNDË SE HAKMARRJE Jeta Statovci pas shkarkimit të vëllait nga RTK: Thellësisht zhgënjyese, në mes të fushatës…
Ish-deputetja e GUXO-s, Jeta Statovci, ka reaguar pas largimit të vëllait të saj, Krenar Statovci, nga pozita e shefit të kameramanëve në RTK.
Ajo në një përgjigje për VOX Kosova këtë vendim ndër rreshta ia ka atribuar pushtetit aktual.
Ajo ka thënë se familja e saj ka një histori të gjatë kontributi në transmetuesin publik, duke theksuar se si vëllai i saj ashtu edhe prindërit kanë punuar për Radio Televizionin e Kosovës, përkatësisht RTP-në e dikurshme.
Statovci e ka cilësuar vendimin si të padrejtë dhe të motivuar politikisht.
“Kjo që po ndodh sot është më e rëndë se hakmarrja politike, sepse drejtohet ndaj anëtarëve të familjes sime. Ai ka mbi 17 vjet që punon në RTK dhe ka qenë i vlerësuar e i besuar në funksione udhëheqëse deri sot. Papritur, në mes të fushatës, bëhet problematik dhe goditet me arsyetime që ngjallin shumë pikëpyetje”, ka deklaruar ajo.
Ajo shtoi se situata është “thellësisht zhgënjyese”, duke theksuar se vëllai i saj ka kryer punën me përkushtim për më shumë se një dekadë e gjysmë në shërbim të institucionit publik.
