Tutje, ai ka deklaruar se, zbatimi i Marrëveshjes së Ohrit në dialogun mes Kosovës dhe Serbisë, është thelbësore.

‘‘Rruga përpara është sfiduese, por drejtimi është i qartë. Duhet të përqendrohemi në tri prioritete kryesore. Së pari, nxitja e marrëdhënieve të mira fqinjësore dhe bashkëpunimit rajonal. Këto janë jetike si për sigurinë, ashtu edhe për prosperitetin ekonomik. Dialogu Beograd–Prishtinë dhe zbatimi i plotë i Marrëveshjes së Ohrit janë thelbësore në këtë drejtim’’, ka thënë ai.

Tutje, duke iu drejtuar Serbisë, Costa, ka kërkuar përafrim me politikat dhe vlerat e Bashkimit Evropian.

‘‘Së dyti, përafrimi me politikat dhe vlerat e Bashkimit Evropian, veçanërisht me politikën tonë të përbashkët të jashtme dhe të sigurisë. Këto nuk janë vetëm parime që ne i mbështesim; ato janë vetë themeli i projektit evropian dhe i partneritetit tonë me Serbinë. Së treti, zbatimi i reformave në vazhdim është i domosdoshëm për të ecur përpara në rrugën tuaj drejt anëtarësimit. Ne ju inkurajojmë të vazhdoni të përshpejtoni reformat në tri fusha të rëndësishme që i përmendët: sundimin e ligjit, përfshirë zbatimin e plotë të kërkesave dhe informacionit të kërkuar’’, ka thënë ai mes tjerash.