Policia e Kosovës dhe Zyra e Kryeprokurorit të Shtetit u kanë bërë thirrje qytetarëve që të ushtrojnë të drejtën e tyre të votës në mënyrë të lirë dhe pa asnjë formë presioni, frikësimi apo ndikimi të jashtëm.
Në një njoftim të përbashkët, institucionet kanë theksuar se po vazhdojnë monitorimin e situatës dhe trajtimin e çdo informacioni që mund të lidhet me cenimin e integritetit të zgjedhjeve të parakohshme parlamentare të 7 qershorit.
Autoritetet kanë ftuar qytetarët, pa dallim etnie, gjuhe apo bindjeje politike, që të raportojnë çdo rast të dyshuar të presionit, kërcënimit, blerjes së votës apo çfarëdo forme tjetër të ndërhyrjes së kundërligjshme në procesin zgjedhor /Klankosova.tv
