SHBA-ja publikoi të premten një grup të ri dosjesh të deklasifikuara për fenomenet anomalike të paidentifikuara (UAP), të njohura gjerësisht si UFO, si pjesë e një përpjekjeje të vazhdueshme për t’i bërë publike dokumentet historike.
“Departamenti i Luftës po publikon publikimin e katërt të dosjeve të deklasifikuara dhe historike për Fenomenet Anomalike të Paidentifikuara (UAP)”, tha në një deklaratë zëdhënësi kryesor i Pentagonit, Sean Parnell, duke shtuar se dokumentet janë të qasshme në faqen zyrtare të departamentit.
Ai bëri të ditur se Pentagoni dhe agjencitë partnere po punojnë për publikime të tjera, ndërsa më shumë dosje pritet të bëhen publike në vazhdimësi, shkruan Anadolu, përcjell Sinjali.
Grupi i parë i dokumenteve u publikua më 8 maj, si pjesë e një fushate më të gjerë për deklasifikimin e materialeve nga administrata Trump. Grupi i dytë u publikua më 22 maj, ndërsa i treti më 12 qershor.
