Deputeti i PDK’së, Përparim Gruda, ka thënë se është e turpshme kjo që po e bën Lëvizja Vetëvendosje me procesin e themelimit të institucioneve të vendit.
Ai ka thënë se ndonëse e kanë thirrur seancën jashtë afateve kushtetuese e jashtë afateve që i përcaktojnë vetë, ata përsëri nuk e konstituojnë.
Gruda ka përmendur edhe kërkesën e PDK’së që të konstituohet Kuvendi para datës 16 shtator kur do të merret vendimi në Hagë, por thotë se ata përsëri po bëjnë lojëra, zvarritje e shpërfillje të Kushtetutës.
Reagimi i plotë:
Çfarë absurdi!
E thërrasin Kuvendin jashtë afateve kushtetuese dhe jashtë afateve që i përcaktojnë vetë, dhe prapë nuk e konstituojnë!
U themi: konstituojeni Kuvendin, të paktën për hir të 16 shtatorit. Por jo! Prapë lojëra me procedurën, prapë zvarritje, prapë shpërfillje e Kushtetutës.
Asnjë përgjegjësi për Kosovën. Asnjë përgjegjësi para historisë sonë. Asnjë respekt për institucionet që janë ndërtuar me aq shumë sakrificë.
Deri kur mund ta durojë një popull këtë poshtërim institucional?
Kjo është e tmerrshme. Kjo është e turpshme!
