Agjencia Kadastrale e Kosovës ka kaluar sërish nëpër ndryshime në strukturën drejtuese, brenda një periudhe të shkurtër kohore.
Sipas vendimit, Ministria e Mjedisit dhe Planifikimit Hapësinor, më 21 maj 2026, ministrja në detyrë Fitore Pacolli Dalipi kishte emëruar Afërdita Thaqin ushtruese të detyrës së drejtorit ekzekutiv të AKK-së.
Megjithatë, vetëm pak ditë më vonë, më 29 maj, në këtë pozitë ishte caktuar Faik Kelmendi.
Tashmë, dikasteri i Mjedisit ka marrë një tjetër vendim.
Më 4 shtator 2026, zëvendësministri Driton Hyseni ka nënshkruar aktin zyrtar përmes të cilit Afërdita Thaqi rikthehet në pozitën e ushtrueses së detyrës së drejtorit ekzekutiv të Agjencisë Kadastrale të Kosovës.
Me të njëjtin vendim është shfuqizuar vendimi i 29 majit 2026, përmes të cilit Faik Kelmendi ishte caktuar në këtë funksion.
