Franca nuk do ta mbështesë kandidaturën e Gianni Infantinos për një mandat të ri si president i FIFA-s, ka bërë të ditur Federata Franceze e Futbollit (FFF).
FFF i është bashkuar federatave të Belgjikës, Italisë, Skocisë, Suedisë, Holandës dhe Uellsit, të cilat gjithashtu kanë tërhequr publikisht mbështetjen për Infantino.
“Besojmë se besimi i vendosur te presidenti i FIFA-s është tradhtuar dhe se mënyra se si konceptohet qeverisja e futbollit botëror nuk na përfaqëson më”, deklaroi presidenti i FFF-së, Philippe Diallo.
Infantino, i cili është në këtë pozitë që nga viti 2016, aktualisht është kandidati i vetëm për zgjedhjet e vitit 2027. Megjithatë, UEFA, AFC dhe CONCACAF pritet të propozojnë një kandidat rival para skadimit të afatit më 18 nëntor 2026.
