Chelsea është aktualisht në pozitën më të mirë për transferimin e mesfushorit të Barcelonës, Marc Bernal, sipas raportimeve të GiveMeSport.
19-vjeçari, i rritur në akademinë “La Masia”, konsiderohet një prej talenteve më premtuese të futbollit evropian dhe tashmë ka debutuar me kombëtaren e Spanjës.
Situata e tij në Barcelonë është bërë më interesante pas transferimit të Rodrit nga Manchester City. Bernal ka marrë minuta të rëndësishme në fillim të sezonit, ndërsa ardhja e mesfushorit spanjoll ka rritur konkurrencën për një vend në formacion.
Trajneri i Chelsea-t, Xabi Alonso, po e monitoron nga afër situatën dhe e sheh Bernalin si një investim afatgjatë për mesfushën. Londinezët e konsiderojnë atë edhe si një opsion për të zëvendësuar Enzo Fernandezin, i cili është transferuar te Manchester City.
Në garë për shërbimet e talentit spanjoll është edhe Manchester United. Megjithatë, sipas raportimeve, Chelsea aktualisht është më afër konkretizimit të një oferte për Bernalin në afatin e ardhshëm kalimtar.
Mesfushori ka kontratë me Barcelonën deri në qershor të vitit 2029.
