Isufaj është ankuar të martën kundër vendimit të KPK-së, me të cilin u shkarkua nga kjo pozitë, në të cilën ishte duke shërbyer në mandatin e dytë.
Burime brenda Këshillit Prokurorial të Kosovës e kanë konfirmuar për Dukagjinin se ankesa është dërguar në Gjykatën Supreme.
Sipas afateve të parapara, Gjykata Supreme ka 30 ditë kohë për të marrë një vendim lidhur me këtë çështje.
Gjykata Supreme deri tani nuk kakonfirmuar këtë informacion.
Isufaj u shkarkua disa javë më parë nga anëtarët e Këshillit Prokurorial të Kosovës. Si arsye për këtë vendim u përmendën keqmenaxhimi dhe dyshimet për ndërhyrje në raste që po hetoheshin nga Prokuroria Speciale.
Tashmë, mbetet të shihet se si do të vendosë Gjykata Supreme për ankesën e Isufajt.
