Paulo Dybala duket i rilindur te Roma pasi që luan vazhdimisht duke kontribuar në shënimin e gjashtë golave në tetë paraqitje për Giallorossi
La Joya kaloi në Olimpico si transfer i lirë pasi që kontrata e tij me Juventusin skadoi në qershor. Ai ka nënshkruar kontratë deri më 2025 me Giallorossi.
Ai u prezantua si lojtar i Romës para 10 000 fansave në gusht dhe duket që deri me tani i ka përmbushur pritjet duke ju falënderuar katër golave të shënuar dhe dy asistove në tetë ndeshje në të gjitha garat.
Dybala shënoi me prekjen e tij të parë me të hyrë në ndeshje mbrëmë në fitoren prej 3-0 që skuadra e tij e bëri në Europa Ligë.
“Natyrisht që Dybala shënoi golin e parë dhe skuadra kishte një rrjedhë tjetër të lojës pasi ai hyri në të. Në patëm një qasje të gabuar në pjesën e parë, duke luajtur sikur ishim 11 kundër 11”, tha Mourinho për Sky Sport Italia dje.
Për dallim nga sezonet e mëparshme kur argjentinase gjithmonë përballej me lëndime, këtë sezon ai ka luajtur tashmë 608 minuta, duke startuar në shtatë ndeshje nga tetë të luajtura.
Argjentinasi kishte munguar 37 ndeshje për shkak të lëndimeve në dy sezone te Juventusi që u drejtua nga Andrea Pirlo dhe Max Allegri.
Juventusi vendosi kundër zgjatjes së kontratës së tij në fillim të këtij viti, duke e lënë atë të lirë që të largohet në fund të qershorit.
Sezoni më i mirë i tij në Serie A në Torino ishte ai i vitit 2017/18, ku ai shënoi 22 gola në 33 ndeshje të ligës.
Interi po ashtu e kërkoi La Joyan këtë verë, por rikthimi i Romelu Lokakusë e bëri të pamundshëm për Zikaltërit që të nënshkruajnë me Dybala, cili kërkonte një rritje të madhe page.
