KB Trepça ka regjistruar edhe fitoren e tretë radhazi në Prince Caffe Superligën e Kosovës në basketboll.
Pas fitoreve ndaj Ponte Prizrenit dhe Bashkimit, skuadra e drejtuar nga Lyubomir Minchev sonte mposhti Rahovecin, në ndeshjen e vlefshme për javën e tretë.
Ndeshja e zhvilluar në palestrën “Mizahir Isma” përfundoi me rezultatin 80:87. Për “Vreshtarët” është kjo humbja e dytë këtë sezon, krahas një fitoreje.
Drilon Hajrizi me 18 pikë dhe Mikaile Tmusic e Adam Grand me nga 15 pikë secili, ishin basketbollistët më të dalluar në fitoren e “Xehetarëve”.
Kurse, te vendasit u dalluan Devin Johnson me 20 pikë dhe Chriss Seeley me 19 sosh.
Në javën e katërt, Trepça do të jetë nikoqire e Sigal Prishtinës – teksa Rahoveci do të luajë në udhëtim te Bashkimi.
