Ballkani regjistroi sonte fitoren e parë dhe historike në Ligën e Konferencës.
Kampionët e Kosovës fituan në udhëtim te Sivasspori me rezultatin 3:4, shkruan Gazeta Express.
Ndeshja u zhvillua në stadiumin “Yeni 4 Eylul” dhe ishte e vlefshme për raundin e tretë në Grupin G.
Pas kësaj fitore, Ballkani ka fituar edhe 500 mijë euro – pasi kaq paguhet një fitore në grupet e Ligës së Konferencës.
Kujtojmë se përveç një humbjeje, skuadra e drejtuar nga Ilir Daja ka regjistruar edhe një barazim – atë kundër Clujit, e cila ia ka garantuar klubit nga Suharake 166 mijë euro tjera.
Ballkanit tashmë i takojnë edhe 2,94 milionë euro për kalim në fazën grupore të Ligës së Konferencës.
