Arsenali e ka fituar derbin e javës së dhjetë në Premierligë kundër Liverpoolit me rezultat 3:2 në stadiumin “Emirates” në Londër.
Se Arsenali e donte më shumë triumfin u pa në sekondën e 58-të kur Martinelli zhbllokoi shifrat në të mirë të londinezëve, shkruan Demokracia.com.
Nunez barazoi shifrat në minutën e 34-të të përballjes për Liverpoolin, duke shfrytëzuar edhe asistimin e mirë nga Diaz.
“Topçinjtë” në pushim me avantazh i dërgoi Saka që konkretizoi një rast në minutën e pestë shtesë të fraksionit të parë të lojës.
Pjesën e dytë më mirë e nisën mysafirët që me anë të Firminos barazuan sërish shifrat, por kjo ishte e gjitha çfarë bën të besuarit e Jurgen Kloop.
Saka realizoi golin e fitores për londinezët në minutën e 76-të kur u tregua i saktë nga penalltia.
Me këto tri pikë, Arsenali vazhdon kryesimin me 24 pikë në Premierligë, një më shumë se Man City.
Liverpooli me këtë humbje mbetet në vendin e dhjetë me vetëm dhjetë pikë.
