Chelsea duket se do t’ia kthejë shpinën Cristiano Ronaldos.
Ylli portugez pritet të largohet nga Manchester United gjatë janarit dhe do ta preferonte një transferim të mundshëm në “Stamford Bridge”.
Sidoqoftë, mediat britanike raportojnë se “Blues” kanë ide të tjera.
Sipas mediumit “Mirror”, Të Kaltrit e preferojnë më shumë Rafael Leaon e Milanit sesa “CR7”.
Ronaldo i ka prishur punët me “Djajtë e Kuq” pasi refuzoi të futej në lojë në pjesën e dytë të ndeshjes me Tottenhamin, ndërkohë që u largua nga banka e rezevistëve drejt dhomave të zhveshjes ende pa u kryer loja.
Më pas, ai u suspendua për ndeshjen pasuese me Chelsean dhe u dërgua për të ushtruar me ekipin e të rinjve.
Nëse i dështon pista Chelsea, Ronaldo do ta shikojë mundësinë e transferimit në Itali, ku e presin duar hapur Napoli dhe Roma.
Ndërkohë, Chelsea do t’ia mësynte Leaos, i cili po shkëlqen në fanellën e Milanit.
