Në ceremoninë që po mbahet sot, Federata Ndërkombëtare e Xhudos e shpalli garuesen më të mirë në botë Distria Krasniqin.
Së bashku me trajnerin Driton Kuka, Kosova ka arritur që të fitojë tre medalje të arta olimpike, dy vetëm në Lojërat e fundit që u mbajtën në Tokio
Distria Krasniqi ishte në garë me Abe Uta, Clarisse Agbegnenou, Ana Maria Wanger dhe Jessica Klimkait dhe fitoi çmimin e më të mires në botë për vitin 2021.
Gjithashtu, gjatë kësaj ceremonie virtuale, trajneri Kuka është zgjedhur si trajneri më i mirë për vitin 2021 në sportin e xhudos.
Tani ka ardhur reagimi i Kukës në “Facebook”, i cili shkruan:
“IJF na nominoj!
Dhe sonte edhe zyrtarisht fituam titujt e më të mirëve në Botë për 2021!
U votuam nga mbarë Bota por …
Populli Shqiptar ishte me ne më shumë se krejt!
Sa shumë jam sonte i gëzuar jo për veten time ose nxanësen time por për çdo Shqiptar që ishte me ne këto ditë.
Sonte do doja të falenderoj me qindra njerëz për ardhjen tonë në këto nivele.
Sylen që më mori si fmi nga rruga e më dërgoj në tatamit e judos,gjenerata të tëra të xhudos që spatën rastin të dëshmohen!
Majlindes,Disit e Nores që arritën kulmin!
Agronit e Fatosit që çdo ditë me orë të têra flasim për të ecur tutje!
Ekipit tonë që frymon si familje tash e shumë dekada.
Të gjithë komunitetit sportiv,mediave që edhe në zhgënjimet në arena sportive ishin me ne!
Dhe në fund …
O sa mirë me qenë Shqiptar …“.
