Dyert e ‘Old Trafford’ janë gati të mbyllen përgjithmonë për Cristiano Ronaldo-n. Sulmuesi portugez tani është shkëputur përfundimisht me mjedisin e Manchester United pas një
interviste me Piers Morgan të ‘The Sun’, në të cilën portugezi kritikoi klubin dhe trajnerin Erik Ten Hag.
Ndërsa pritej që klubi të merrte masa, duke përfshirë një gjobë dhe përfundimin e njëanshëm të kontratës, në fakt, Ronaldo është përjashtuar nga grupi WhatsApp i ekipit, një vendim i marrë nga administratorët e grupit Harry Maguire dhe Scott McTominay.
Qëndrimi vendimtar i shokëve të skuadrës duket se i jep fund përvojës së dytë të Ronaldos te Manchester United, e cila filloi në verën e vitit 2021 dhe e destinuar të përfundonte në fund të vitit kalendarik 2022.
