Kanë mbetur vetëm edhe dy ditë deri te fillimi i turneut sportiv më të pritur të këtij viti, Kupës së Botës.
32 ekipe pjesëmarrëse do të luftojnë për trofeun e çmuar të këtij turneu, që këtë vit do të mbahet në Katar, shkruan Gazeta Express.
FIFA ka ndarë 440 milionë dollarë për këtë turne, që është edhe një shifër rekorde.
Kjo është një rritje prej 40 milionë dollarësh krahasuar me turneun e 2018-ës, që ishte mbajtur në Rusi.
FIFA konfirmoi në prill 2022 se kampionët e Kupës së Botës në Katar do të marrin një çmim rekord prej 42 milionë dollarësh.
Kjo është një rritje prej 4 milionë dollarësh krahasuar me vitin 2018 dhe vazhdon një trend që ka parë që lista e çmimeve të fituesve të rriten masivisht gjatë 40 viteve të fundit.
Përpara vitit 2006, skuadrat fituese të Kupës së Botës nuk fituan kurrë më shumë se 10 milionë dollarë, me kampionët e vitit 1982, Italinë që u larguan me rreth 2.2 milionë dollarë për përpjekjet e tyre.
Si do të bëhet shpërndarja e parave?
Çdo ekip pjesëmarrës do të përfitojë financiarisht. Thjesht kualifikimi për Kupën e Botës nënkupton marrjen e 1.5 milionë dollarëve. Por, një herë në turne, palët mund të bëjnë shuma shumë më të mëdha duke kaluar nëpër fazat e eliminimit.
Bazuar në ndarjen e parave të çmimeve të zbuluara nga FIFA , arritja në gjysmëfinale në Katar do t’i sigurojë ekipeve të fitojnë më shumë se fituesit e Kupës së Botës 2006.
Shumat e parave për çdo fazë:
Faza e grupeve – 9 milionë dollarë
Raundi i 16-të – 13 milionë dollarë
Faza çerekfinale – 17 milionë dollarë
Vendi i katërt – 25 milionë dollarë
Vendi i tretë – 27 milionë dollarë
Nënkampioni – 30 milionë dollarë
Fituesi – 42 milionë dollarë
