Me fitoren e Zvicrës mbrëmë ndaj Serbisë, ka përfunduar faza e grupeve në Kampionatin Botëror që po mbahet në Katar.
Nga sot, do të luhen ndeshjet e 1/8 së finales, shkruan Gazeta Express.
Holanda do të ketë punë me Shtetet e Bashkuara të Amerikës.
“Tulipanët” e përfunduan grupin A në vendin e parë, kurse ShBA-ja përfundoi e dyta në grupin B, pas Anglisë.
Ky takim nis nga ora 16:00.
Në anën tjetër, nga ora 20:00, Argjentina e Messit do të përballet me Australinë, e cila befasisht u kualifikua tutje, duke e eliminuar Danimarkën.
