Legjenda e Brazilit, Ronaldo, ka deklaruar se Lionel Messi e meriton të fitojë Kampionatin Botëror “Katari 2022”.
Fenomeni tregoi se do të ndihej i lumtur nëse “La Pulga” do ta fitonte trofeun e çmuar para se të pensionohet nga sporti i futbollit.
Ronaldo lavdëroi shtatë herë fituesin e Topit të Artë për paraqitjet vendimtare të tij me kombëtaren e tij.
“Kush do që e ka fituar Kupen e Botës e ka merituar. Në të vertetë Argjentina nuk është se po luan mirë, por ata po luajnë së bashku dhe janë shumë agresivë, kurse Leo Messi po është vendimtar kur është afër zones”, tha Ronaldo në një intervistë për FIFA, transmeton Klankosova.tv.
Fenomeni tregon se pse mendon se Argjentina është favorite për të triumfuar në Kampionatin Botëror.
“Leo Messi është shumë i fokusuar në këtë Kampionat, po tregon shumë karakter”.
Ndeshja gjysmëfinale ndërmjet Argjentinës dhe Kroacisë zhvillohet të marten nga ora 20:00.
